Mae eich adborth wedi llywio ein contract torri newydd a gwell!
Ers blynyddoedd, mae sawl contractwr wedi bod yn torri ein gwair rhwng misoedd Ebrill a Hydref. Eleni, rydym yn mabwysiadu ymagwedd newydd sbon.
Chithau a ddywedodd, ninnau a weithredodd
I lunio’r contract, fe ofynnon ni i gwsmeriaid yn ein digwyddiadau #CaruEichStryd beth yn union oedden nhw ei eisiau. Fe wnaethon ni hefyd adolygu ein cwynion i weld beth nad oedd yn gweithio’n rhy dda, ac fe gynhaliom arolwg barn ar Facebook, gyda 30 o gwsmeriaid yn ymateb iddo. Roedd eich atebion yn gwbl glir – rydych chi eisiau mwy am eich arian!
Mwy na dim ond torri gwair
Rydym yn falch o rannu bod ein contract newydd yn cynnwys amserlen o 9 toriad fesul ystad yn ystod y tymor tyfu, gyda gwaith ychwanegol drwy gydol y flwyddyn.
Rhaglen yr haf:
- Ymylu llwybrau
- Clirio dail
- Tynnu chwyn a mwsogl
- Cynnal a chadw llwyni a gwrychoedd
- Plannu bylbiau, blodau gwyllt a helyg
- Clirio tipio anghyfreithlon
Rhaglen y gaeaf:
Nid ydym am esgeuluso ein mannau llwyd
fel meysydd parcio a safleoedd garejys,
felly bydd Countrywide yn defnyddio’r
misoedd oerach i gyflawni’r canlynol:
- Cynnal a chadw lloriau caled
- Cynnal a chadw coed
- Clirio tipio anghyfreithlon
- Ysgubo malurion fel gwydr wedi torri, brigau
a dail - Tocio unrhyw blanhigion goresgynnol
- Chwistrellu chwyn
Mae defnyddio un contractwr yn unig yn golygu y bydd pob ystad yn cael gofal o’r un safon ac y gallwn ddarparu adborth yn hawdd.
Pam Countrywide?
Rydym yn cymryd eich tâl gwasanaeth o ddifrif, felly rydym wedi dewis contractwr y gallwn ymddiried ynddo i ofalu’n dda am eich mannau agored.
Mae Countrywide eisoes yn gofalu am safleoedd y GIG, y llywodraeth a safleoedd tai ledled y wlad. Yn syml, maent yn gwmni sefydledig, ac maent yn defnyddio’r offer gorau i wneud gwaith proffesiynol.
Ymsefydlu
Er bod gan Countrywide gyfoeth o brofiad, bydd angen amser arnynt i ddod yn gyfarwydd â chynlluniau penodol ein hystadau ac i addasu eu peiriannau i siwtio anghenion amrywiol y tir. Maent hefyd yn gorfod brwydro yn erbyn gwres eithafol yr haf hwn, felly byddwch yn amyneddgar wrth iddynt ddelio â’r trafferthion cychwynnol hyn a rhoi eich rhaglen dorri newydd ar waith.
Fel arfer, os oes unrhyw broblemau gyda’ch toriadau, rhowch wybod i ni drwy anfon lluniau a byddwn yn gwneud ein gorau i’w datrys yn gyflym.
Beth am ein cynlluniau byw yn y gymuned?
Bydd pethau’n gweithio ychydig yn wahanol gyda’n cynlluniau byw yn y gymuned. Ar eich cais, rydym wedi adfer gwaith cynnal a chadw tir mewnol, felly bydd ein tîm yn gofalu am eich gerddi drwy gydol y flwyddyn.
Gan fod yr haf ar fin cyrraedd, rydym yn edrych ymlaen at wneud y mwyaf o’n mannau awyr agored eto!