Wedi’i gefnogi gan grant o £3 miliwn gan Lywodraeth Cymru, rydym yn rhoi gwedd newydd gyfan i hen safle Dŵr Cymru! Erbyn diwedd 2027, bydd wedi’i drawsnewid yn gartrefi fforddiadwy.
Mae pawb yn haeddu lle diogel i fyw ynddo, felly rydym yn falch o gael helpu teuluoedd, cyplau ac unigolion i fwrw gwraidd ym Mhen-y-bont ar Ogwr.
Edrych ymlaen at beth y gall cwsmeriaid ei wneud?
● Wyth fflat un llofft.
● Wyth cartref (dau i bedwar llofft).
● Mynediad hawdd i siopau ac amwynderau lleol.
● Ardaloedd chwarae sy’n addas i deuluoedd.
● Lwybrau bws a pharcio beiciau.
Adeiladu gyda phwrpas: £30,000 i’r gymuned!
Trwy adeiladu ar dir gwag, rydym yn trawsnewid safle sydd wedi dod yn ddolur llygad yn y gymuned, gan ddiwallu anghenion tai lleol ar yr un pryd.
Rydym hefyd am sicrhau bod manteision y datblygiad yn cael eu teimlo gan y gymuned gyfan. Felly, rydym yn buddsoddi:
● £20,000 mewn cyfleusterau chwaraeon awyr agored a thrafnidiaeth leol.
● £11,700 mewn mentrau lleol drwy ein cronfa buddion cymunedol.
A allwch chi ein helpu i benderfynu i ble y bydd yr arian yn mynd? Anfonwch eich syniadau i customervoice@v2c.org.uk byddem wrth ein boddau’n gwybod pa achosion sy’n bwysig i chi!
Cartrefi sy’n addas ar gyfer y dyfodol
Er mwyn lleihau effaith amgylcheddol y cartrefi, rydym yn defnyddio ‘dulliau adeiladu modern’ i’w codi.
Er enghraifft, i gwtogi ar faint o wastraff a grëir wrth adeiladu ar y safle, byddwn yn cynhyrchu fframiau pren mewn ffatri, ac yn eu cydosod ar y safle (yn union fel Lego!)
Bydd gan y cartrefi bympiau gwres ffynhonnell aer hefyd, sy’n gwresogi cartrefi drwy gymryd gwres o’r aer y tu allan yn hytrach na defnyddio tanwyddau ffosil. Nid yn unig y mae hyn yn well i’r amgylchedd, mae pympiau gwres hefyd yn gostwng biliau ynni cwsmeriaid, felly mae pawb ar eu hennill.
Eich cynnwys chi ar y daith
Yr wythnos diwethaf, fe wnaethom gwrdd â chi yn nhafarn gymunedol y Three Horseshoes i ateb eich cwestiynau am y datblygiad a dangos cynlluniau’r safle i chi. Roedd yn braf iawn clywed eich sylwadau am y datblygiad, gan gynnwys “Mae’n dda gweld mwy o gartrefi cymdeithasol yn dod i’r ardal” – rydym yn cytuno!
