Ddydd Gwener diwethaf, daeth 230 o gydweithwyr at ei gilydd dan yr unto i ddathlu dau ddegawd o lwyddiannau anhygoel yng Nghymoedd i’r Arfordir. Gyda’n gilydd, rydyn ni wedi gwneud camau breision sydd wedi cael effaith barhaus:
- Rydym wedi dod yn gymdeithas dai flaenllaw yng Nghymru, gan fynd i’r afael â digartrefedd trwy ddyrannu a datblygu gofalus.
- Rydym ymhlith y Landlordiaid Cymdeithasol Cofrestredig (RSLs) gorau yng Nghymru am yr ôl-ddyledion rhent isaf, a heb orfod dwyn achos cyfreithiol.
- Rydym wedi tyfu ein gweithlu, gan ddarparu cyfleoedd gwaith lleol gwerthfawr.
- Rydym wedi cryfhau ein partneriaethau gyda rhanddeiliaid.
- Rydym yn trawsnewid ein triniaeth o waith atgyweirio a chynnal a chadw trwy ein his-gwmni o dan berchnogaeth lwyr, sydd nawr yn dwyn yr enw Llanw.
Dechreuom y diwrnod drwy esbonio ein hymagwedd at CAC, a chawsom ein hanrhydeddu gan bresenoldeb y gŵr tra ysbrydoledig Colin Jackson. Roedd ei allu i ddweud storïau pwerus a’i neges am freuddwydio’n feiddgar yn gynhyrfus – gan ein hatgoffa y gallwn gyflawni unrhyw beth os ydym yn
ddigon penderfynol.
![](https://www.valleystocoast.wales/wp-content/uploads/2023/09/DSC06569-1-scaled.jpg)
Ar ôl egwyl luniaeth haeddiedig, bwriom olwg arall ar ein hymddygiadau sefydliadol gan ddathlu’r timau a’r cydweithwyr sy’n ymgorffori’r ymddygiadau hyn yn eu gwaith bob dydd.
![](https://www.valleystocoast.wales/wp-content/uploads/2023/09/DSC06494-1-scaled.jpg)
Ar ôl cinio, dadorchuddiwyd ein his-gwmni o dan berchnogaeth lwyr, “Llanw”, sef “Tide” yn Saesneg. Yn union fel y llanw, mae Llanw yn corffori dibynadwyedd, soletrwydd, adnewyddiad, cysondeb ac ymrwymiad diysgog. Mae’n symbol o’n haddewid i ymaddasu ac i ymateb i anghenion cyfnewidiol ein cwsmeriaid, yn union fel y byddwn yn ymaddasu i lanw a thrai’r môr.
Mae’r enw hefyd yn talu teyrnged i harddwch naturiol syfrdanol Pen-y-bont ar Ogwr, gan ymgysylltu â’n henw, Cymoedd i’r Arfordir, am fod y llanw yn cynrychioli’r llif cyson o’r nentydd a’r afonydd yn ein cymoedd i’n harfordir.
![](https://www.valleystocoast.wales/wp-content/uploads/2023/09/DSC07010-1-800x300.jpg)
I gloi’r diwrnod, rhannodd Anthony Whittaker, Cadeirydd ein Bwrdd, ei falchder wrth gael arwain yr ymdrechion i fynd i’r afael â digartrefedd ym Mhen-y-bont ar Ogwr. Cawsom ein tywys ar daith yn ôl mewn amser gan Peter Cahill, Prif Weithredwr cyntaf Cymoedd i’r Arfordir, wrth iddo esbonio’r
mantra y byddai’n ymglymu wrtho – MAD, Making a Difference, sef Gwneud Gwahaniaeth. Yn olaf, cyhoeddodd ein Prif Weithredwr, Jo Oak, fuddsoddiad gwerth £31.5 miliwn yn ein cartrefi, yr un mwyaf ers y trosglwyddiad.
![](https://www.valleystocoast.wales/wp-content/uploads/2023/09/DSC07037-1-scaled.jpg)
Drwy gydol y diwrnod, clywsom gan ein cwsmeriaid a rannodd eu profiadau o fyw yn ein cartrefi dros yr 20 mlynedd diwethaf a’r hyn mae’r cartrefi hyn yn ei olygu iddyn nhw.
Diolch i bawb a gymerodd ran wrth ddathlu’r garreg filltir hon. Edrychwn ymlaen at 20 mlynedd arall o wneud gwahaniaeth a chael effaith gadarnhaol ar ein cymuned!