Rydyn ni’n falch iawn o gyhoeddi lansio ein hymgyrch cynaliadwyedd newydd, #ByddwchWyrdd. Rydyn ni eisiau i’n cwsmeriaid a’n cydweithwyr feddwl am sut gallwn bob un leihau ein heffaith ar y blaned a helpu i gyrraedd ein nodau cynaliadwyedd fel y’u disgrifir yn ein Strategaeth Dyfodol Cynaliadwy Diogel a Hapus.

Mae ein Strategaeth Dyfodol Cynaliadwy Diogel a Hapus yn esbonio sut fyddwn yn gwella cynaliadwyedd ac yn lleihau ein hôl troed carbon dros y pum mlynedd nesaf. Bydd yn ein helpu i weithio tuag at ddod yn garbon niwtral erbyn 2030.

Mae ein cysyniad datblygu cynaliadwy yn seiliedig ar bedwar piler a phob un dan arweiniad aelod o’n uwch dîm arweinyddiaeth

Byddwn yn gweithio’n agored ac yn gydweithredol gyda’n partneriaid, cwsmeriaid a’n rhanddeiliaid allweddol i helpu i leihau effaith ein sefydliad a’n stoc dai.

Ein Cynllun

• Lleihau ôl troed carbon ein gweithrediad
• Datblygu diwylliant lle mae cynaliadwyedd yn rhan o’r holl broses gwneud penderfyniadau 
• Rydyn ni’n anelu at achrediad Lefel 3 y Ddraig Werdd 
• Deall y cyfleoedd yn ein stad i fwyhau eu buddiannau amgylcheddol, cymdeithasol ac economaidd
• Lleihau ein gwastraff a gweithio tuag at economi cylchol
• Mesur gwelliannau’n rheolaidd a chyhoeddi ein llwyddiannau’n flynyddol
• Creu cynllun i ddatgarboneiddio ein cartrefi
• Canfod a sicrhau buddsoddiad i’n helpu i leihau ein heffaith amgylcheddol
• Ymchwilio i’r posibiliadau o ran cyfrannu at niwtraleiddio carbon
• Bydd ymgysylltu â’n cwsmeriaid a’n cydweithiwr wrth graidd ein gweithgareddau cynaliadwyedd
• Gweithio gyda’n cyflenwyr i leihau effaith ein cadwyn gyflenwi
• Gweithio tuag at Ddeddf Llesiant Cenedlaethau’r Dyfodol

Y Pedwar Piler

Mae’r strategaeth yn canolbwyntio ar bedwar prif biler. Mae ein cydweithwyr wedi ffurfio grwpiau gweithredu i ganolbwyntio ar bob piler a’n helpu i gyrraedd ein nodau. Cliciwch ar bob piler i gael mwy o wybodaeth ynglŷn â’r hyn maent yn ei olygu a pha weithredoedd gallem eu gwneud:

DATGARBONEIDDIO

Stopio allyriadau carbon deuocsid rhag mynd i’r atmosffer trwy ddiddymu tanwydd ffosil yn raddol (e.e. glo, olew, petrol).

EFFEITHLONRWYDD ADNODDAU (Sero Wastraff)

Peidio â chynhyrchu unrhyw wastraff, sy’n golygu bod popeth naill ai’n cael ei ailddefnyddio, ei ailgylchu neu ei roddi.

BIOAMRYWIAETH

Mae bioamrywiaeth yn cyfeirio at bethau byw a sut gallant effeithio a rhyngweithio â’i gilydd a’r gweithredoedd mae angen i ni eu gwneud i wrthdroi’r argyfwng ym myd natur.

ADDASU I NEWID HINSAWDD

Newid ein hymddygiad, systemau a’n ffyrdd o fyw i baratoi ac ymaddasu i effeithiau presennol newid hinsawdd a’i ganlyniadau disgwyliedig yn y dyfodol.

Cymerwch ran

Oes gennych chi syniad gwych i’n helpu i gyrraedd ein nodau cynaliadwyedd? Eisiau rhannu eich meddyliau a’ch syniadau ar sut gallwn leihau ein heffaith? Anfonwch e-bost atom a byddwn yn rhoi gwybod i chi os bydd gennym gyfleoedd i gymryd rhan.

Strategaeth Dyfodol Cynaliadwy Diogel a Hapus

Mae ein strategaeth yn esbonio sut fyddwn yn gwella cynaliadwyedd ac yn lleihau ein hôl-troed carbon dros y pum mlynedd nesaf. Bydd yn ein helpu i weithio tuag at ddod yn garbon niwtral erbyn 2030.

Strategaeth darllen hawdd

Mae gan bobl gydag anabledd dysgu yr hawl i gael gwybodaeth y maen nhw’n gallu ei deall er mwyn iddyn nhw wneud dewisiadau gwybodus, siarad i fyny a chymryd rhan yn eu cymunedau. Rydyn ni’n gwybod bod llawer o dermau technegol yn cael eu defnyddio wrth i ni drafod newid hinsawdd, felly rydym wedi cynhyrchu fersiwn darllen hawdd, heb jargon, o’r strategaeth i sicrhau bod cymaint o bobl â phosibl yn gallu ymuno â’n mudiad #ByddwchWyrdd.

Newyddion Cynaliadwyedd

• Cymerwch ran yn ein cynllun i blannu 300 o goed ar draws Pen-y-bont ar Ogwr

  Yr hydref hwn, rydyn ni’n ymuno â Choed Cadw i harddu Pen-y-bont ar Ogwr drwy blannu 300 o goed ar draws y sir. Ein bwriad yw plannu coed yng Nghaerau, Maesteg, Gogledd Corneli a Phencoed ond cyn i ni ddechrau, rydyn ni eisiau clywed eich barn ynglŷn â’r lleoliadau. Dyma’ch cyfle chi i gymryd rhan! […]

  ---

  Hydref 25, 2022

  ---

• Dathlu blwyddyn lwyddiannus arall yn ein Cyfarfod Cyffredinol Blynyddol (CCB)

  Yr wythnos hon, croesawom aelodau’r bwrdd a chyfranddalwyr i’n pencadlys i rannu ein hadolygiad blynyddol a’n cyfrifon am y flwyddyn ariannol ddiwethaf. Roedd hefyd yn gyfle i rannu’r uchafbwyntiau, yn cynnwys ein cynnydd o ran adeiladu cartrefi newydd i gwrdd â’r angen lleol; buddsoddi mewn cyfleusterau cymunedol; a chydweithio gyda phartneriaid allweddol yn cynnwys Cyngor […]

  ---

  Medi 16, 2022

  ---